Letra de Regimiento 13 tuyuti (xx)

Número Trece che Regimiento
Tamoñaro mente oyekua´á
Fortin NANAWA che campamento
La muralla viva oye´é jha,

Na tajhupimí mano a la visera
Jha tamboyoyá che mbaracá mí
Amomgaraivo NANAWA trinchera
Taropurajheí ?Trece Tuyuti?.

Aropurajheita ?Regimiento 13?
Nanawa de Gloria yeroviajhaité;
Jha ityvyrá´i, ?Regimiento 7?
La muralla viva mopu´ä jharé.

Ro´ata ma jhágüi tesaráietépe
Peteí koëme ro ñeñanducá
Roheyá jhagua ore ra´y répe
Pedestal de gloria omaé jhaguá.

Oré aveí paraguaietéva
Soldado ya´éro urunde´ymí
Ndahaevaí´nte royealabáséva
!Noróikotevéi ñeroróchichï!

Mi comando IRRA jhendive BRIZUELA
Mocoivé voí añá mbaracá
Jha el León Chaqueño iyikere kuera
Mayor CABALLERO ore ruvichá.

Cachorro de tigre suele ser overo
Macho ra´y ré machito jevy
Oimé ikuatiápé veinte de enero
Pe ne ñongatú peé mbohapy.

Oimevé vaerá ku ore rapérãme
Ore ra´aröva laurel ty pyajhú
Oyupíhaguã umíva ru´ame
Regimiento 13 oñecuãmbopú.

Modelo ore pópe TUYUTI ore réra
Mita´í pyatá lampino kueté
Guyrá jha yvytú oñesúpejhëva
Orerovasávo ohasá yavé.

Oicové pukuva mante ohechapáne
Regimiento 13 rekykuereetá
Jha letra de oro pemã oyeguáne
Historia pyajhú ko´eramo guá.

Reinte Bolivia hecó ensygüyva
Ndojhechá mo´ai ´y´ Paraguay
Oihaperãme ipopïa rasýva
Trece TUYUTI kavichú pochy.

KUNDT ko oimoante rakaé ijipýrö
Oyuhuta ápe pire pererï
Jha oyepojoká gringo tujá výro
NANAWA rokere oyosovo itï.


Oguajhé yavé veinte de enero
Iko´é ha ára viernes rovasy
Ojhuãi vaecué a sangre y fuego
Oiképavo ápe ña bolí memby.

Koe´etí güivé ore retén dospe
Kundt rembiyokuai ndikatúi oiké
Osegui hapépe RODOLFITO LÓPEZ
Mboka´í ratápe ojhovápeté.

Umí ?ciento cinco? ipó apenóva
Mdohapy hendagüio ihu´ú tatá
Hechapyrámi tatatï ojapóva
Ñu jha ka´agüy osununumbá.

Ñejhenduro hina güyryry oikóva
Ndaja´ei voi yaikovétahá
Ndaipori rupi ypy´a opopóva
Tapé ndoyujhúi tembiguai avá.

Ipyajhé cañón, ndosovéi metralla
Jama mbokaí jha yvaté avión
Ha ni upévere ndoku´éi muralla
Omo´í vaecué, Quinta División.

Ñande ti oiko´o oúvo yvytúre
Cañón jha mboká ratatiné´cué;
Jha oyoá yoári yahechá pe ñúre
Inébú joá bolí re´ongué.

Ava´í akangué koapé jha pépe
AKí VERA kuera omosarambí;
A lo chirca ty, machete haïmbepe
Ikokué pe guáicha los mitã okopí.

Peichane voí aipó aña retãme
Lo mba´é pochy ifunción javé,
Ohechá, ojhendúvamante ogueroviáne
NANAWA de gloria, farra carapé.

! Otro pito pú, NANAWA de gloria
Héra opytáma mandu´a rãmí !
O´escribí ichupé ipyajhúva historia
Tamoñaro kuera, ?13 Tuyuti?.

Tugüyetá apytépe oú la victoria
Regimiento Trece pe opucavymí,
Agha ikatuma jhe´í la historia
Ndopá mo´ái jha raza guaraní.

Na tahupimi mano a la visera
Jha tamondojhó che purahéí mí;
Amongaraí ma NANAWA trinchera
Ha che regimiento ?13 Tuyuti?.

-Coro-

Fortín NANAWA che campamento
La heroica 5ta. che División
Número trece che Regimiento
Jha solito el uno che Batallón.

!VIVA EL PARAGUAY!

Letra: Emiliano R. Fernández
Música: Ramón Vargas Colmán